Tres anos de traballo do Grupo Operativo, anualidade a anualidade: da constitución do equipo ata os tres produtos finais. Primeiro, o resumo en dous minutos; despois, a historia completa.
O proxecto, os cinco socios e o obxectivo, explicados dun vistazo.
Lutega, Orballo, Glecex, a Universidade da Coruña e a Fundación Galicia Sustentable únense para buscar unha nova saída ao lúpulo galego, hoxe dependente case en exclusiva do sector cervexeiro, e ás plantas aromáticas, de mercado estacional. Arrincan os primeiros traballos de campo e de laboratorio.
Recóllense e prepáranse as mostras: lúpulo de Betanzos, especies aromáticas ecolóxicas de Paderne. Tras probar combinacións de hortelá, menta e hibisco, péchase o ano con tres formulacións de referencia nas que o amargor do lúpulo queda equilibrado polo achegue aromático.
Fito 1 · 3 formulacións de referenciaA Universidade da Coruña desenvolve un protocolo de fermentación con lévedos e bacterias, e estúdase a incorporación de vitaminas nos niveis esixidos pola normativa europea. É a parte máis esixente do proxecto: cada axuste cambia a acidez, o sabor e a estabilidade do produto.
Fito 2 · Protocolo de fermentación + vitaminasGlecex somete os produtos a ensaios de estabilidade e a probas de cata. Non abonda con que saiban ben: teñen que aguantar no tempo. É a fase que distingue unha idea interesante dun produto real.
O proxecto remata con tres formulacións validadas, un protocolo de fermentación propio e tres produtos a escala laboratorio-piloto, con todo o proceso documentado en infografías, vídeos e fotografías de acceso aberto para quen queira continualo.
Fito 3 · 3 produtos a escala laboratorio-pilotoO peche formal do proxecto, en dous documentos descargables. Os dous están en elaboración.